العطا ما تمده ايدين بخيلة

والكرم ما يعرفه جماع الدراهم

يا لله يا منشى حقوق المخيله

يا مدبر خلقك من عالي سماهم

يا واحد لك الصفات الجليله

خلقت خلقك وعالم منتهاهم

تغفر لمن ضيق الهم حيله

ودع الغالين وبقلبه نعاهم

ترا الغلا والحب هو الحصيله

والقطاعة تبين لك خفاهم

اللي ما شفتهم بالليالي الثقيله

عيا مطر قلبي يسقي ثراهم

صديت والقلب بيَن رحيله

لملم بقايا امس وأعلن جفاهم

كم هقوة طاحت بأطراف النثيله

ضاعت الهقوات وتبخر رجاهم

أسأل الازمات تعطيك الدليله

وغط بياضٍ بعينك كساهم

تعرف الأصيل من تسمع صهيله

والهلايم ما تدري وش وراهم

يا خالق بالناس رجل هبيله

ويا خالق بالناس عالي دهاهم

بعض الناس مثل طعس تهيله

وبعضهم جبل شامخ في وطاهم

الله يا حلم من سنين طويله

خسارة سهم في شركة مساهم

العطا ما تمده ايدين بخيله

والكرم ما يعرفه جماع الدراهم

كم مدةٍ اروت نفوس عليله

وكم مدةٍ باعت باقي غلاهم

وكم مدةٍ بالسنين الهزيله

غيمةٍ ما بينت بصافي سماهم

:::

::

:

.